Yusuf Buhari zai angonce da 'yar Sarkin Bichi, Nasir Ado Bayero

 - Ba da dadewa ba, dan shugaban kasan Najeriya zai angwance

- A cewar majiya, Yusuf Buhari zai auri 'yar gidan Sarkin Bichi Nasir ado bayero.

- Wannan shi ne aure na uku da Buhari zai yiwa 'yayansa tun da ya hau mulki

Yusuf Buhari, dan gidan shugaban kasa Muhammadu, na shirin angwancewa da diyar Sarkin Bichi, Alhaji Nasir Ado Bayero, Zahra Ado Bayero, rahoton Daily Nigerian.

Zahra Bayero yanzu haka na karatun ilmin zanen gine-gine a kasar Birtaniya yayinda shi Yusuf Buhari ya kammala karatunsa a jami'ar Surrey, Guildford, a Birtaniya.

Majiyoyi sun bayyana cewa za'a gudanar da bikin cikin watanni biyu zuwa uku.

"An kaddamar da shirye-shiryen bikin. Kamar yadda al'ada ta tanada, iyayen mijin sun kai gaisuwa wajen iyayen Zahra," cewar majiyar da aka sakaye sunanta.

 DAGA Net Age Blog

Latsa nan ka shiga group din mu domin samun Labaran mu ta Whatsapp 
https://chat.whatsapp.com/HYg2KvNxf2kI2IuVfqh5RH

Domin aiko labari, shawara ko tuntubarmu 
LATSA NAN 

SHAFUKANMU NA SADA ZUMUNTA 

https://www.facebook.com/netage001/